Pet Ki Charbi aur Motapa Kam Karne Ke Upay Tarike Yoga Tips

Pet Ki Charbi aur Motapa Kam Karne Ke Upay Nuskhe : पेट कम करने के उपाय

Motapa badhta jaata hai. Lifestyle aise kuch ho gaye hai ki even bachcho mein bhi overweight ka problem dikhai deta hai. Adults mein bhi yeh bahut common ho gaya hai. Is ka mukhya karan hai sahi aahar na lena, kam vyayam(yoga) aur anya aisi aadate jis se pet ke aas paas charbi ka praman badh jaata hai. Pet badh jaane se kai aise swasth ke line hanikarak samasya jaise ki blood pressure, diabetes aur heart trouble khade ho jaate hai. Isiliye aap ko motapa agar hai to motapa kam karne ke upay fauran apnana chahiye. Jaldi pet kam karne ke upay mein aap ko alag alag tarike apnane honge jaise aage bataya jayega.

Aaiye Jaane Fats aur Calories Ka Rista

Aisa maana jaata hai ki 1 kg charbi mein karib 7700 calories hai. Is ka matlab yeh hai ki aap har mahine mein 7700 calories kam khayenge to 1 kg charbi pighal sakta hai. Vyayam bhi jaroori hai agar charbi ko burn karna hai. Is ke liye har roj aap 7 kilometre se 10 kilometre chalenge to sirf 400 calories jitne burn honge yaane ki ek mahine mein aap ka vajan 1 kg kam ho sakta hai. Vyaayam ke saath aahar par niyantran aur sahi aahar aur doosre nuskhe bhi aajmaane padte hai to aaiye jaane motapa kaise ghataye in Hindi.

Yeh Hai Aapke Motapa ka karan

  • Kam vyayam aur baithe baithe jindagi bitane se motapa ho jaata hai.
  • Tale hue aahar, fast food aur aise aahar se charbi ka praman badh jaata hai Neend kam hone se motapa badh jaata hai.
  • Nashili padartho ka sevan se charbi badh jaati hai.

Motapa kam karne ke liye gharelu upay in Hindi aap padh rahe hai. Yahan par saral upay bataye gaye hai jo har koi aajmaa sakta hai. Darasal sakht kasrat aur aahar par kaabu rakhna sabhi ke bas ki baat nahin hai. Pet kam karne ke liye exercise aur din bhar activity itna kare ki aap jitne calories aahar dwara paate hai us se jyaada hi burn kare tabhi jaake farak dikhai dega.

Aahar par dhyan de Ke bhi Kare Vajan(वजन) Kam

Pet kam karne ka tarika yeh hai ki pehle aap apne aahar par dhyan de. Har roj niyamat roop se samaysar khaana khaaye aur is ke alava aur koi bhi samay par khaana na khaaye. Khaane ka samay bhi nischit kar de. Savere halka nashta ho aur dopahar ko full bhojan ho aur raat ko halka khurak ho aisa planning kare. Aap kya khaate hai is mein kitne calories hote hai yeh jaankari bhi haasil kare.

Yeh avashya aahar mein jyaada khaaye:

  • Fal, sabji, anaj aur nuts. Khaas kar ke aap ke aahar mein fibre waale carbohydrates jyaada hone chahiye aur saath mein minerals aur vitamins jo aap ko fal aur sabji mein se mil jaayenge. Jitna jyaada fiber khayenge itna aap ko bhook kam lagega. Fiber se intestines mein se cholesterol bhi saaf ho jaata hai.
  • Dahi aur chaach: Kai log dopahar ke samay poora bhojan karne ke bajay sirf dahi khaate hai ya gaadha chaach peete hai. Yeh bahut hi faydemand hota hai aur aap ko jaldi se bhuk nahi lagega aur saath mein proteins aur calcium bhi milenge.
  • Savere aap fruits ya vegetables se banayi gayi smoothie ek ya do glass pee le taaki lambe samay tak bhook na lage.

Ek hi saath bhaari bhojan na kare. Din mein 4-5 baare halka nashta karna behtar hoga jis mein aap jyaadatar fruits aur vegetable salad khaaye. Vegetable salad mein thode nuts aur paneer milane se paushtik ban jaayega aur sampoorna bhojan bhi.

Dhyan rakhe ki khaane par niyantran se pet ka charbi niyantran mein rahega magar bilkul pighal nahin jayega. Us ke liye vyaayam aur alag pet kam karne ne nuskhe aajmaana jaroori hai.

Jaldi pet kam karne ke upay mein aap ko yeh bhi dhyaan rakhna hai ki nimn likhit cheezo se parhej rakhe:

  • Sugar ko bilkul apne diet he hata de kyonki liver mein yeh fat mein parivartit hota hai aur saath mein aap ke body ka metabolism bhi disturb karke charbi ka praman badha deta hai.
  • Ho sake to tale hue cheezo ka bahishkar kar de.
  • Fast food ko bilkul nazar andaz kar de, aur preservatives vaale cheez, sauces, cheese jaise kaafi namkeen padarth ko bandh kar de.
  • Soda vaale soft drinks ko tyag kare.
  • Alcohol aur smoking aur gutkha bandh kar de.

Pet kam karne ke yoga

Jo kadi kasrat nahin kar sakte hai voh yoga to jaroor kar sakte hai. Khaas kar ke neeche bataye gaye gaye pet kam karne ka yoga ke alag asano ka prayog kare:

  • Surya Namaskar
  • Paschimottanasana
  • Tadasana
  • Naukasana
  • Uttapapadmasana
  • Ushtrasana
  • Padahastasana
  • Uttanpadasana
  • Bhujangasana
  • Dhanurasana
  • Shavasana

Jo asan aap ke liye aasaan lagta ho us ka prayog har roj savere 20 minute tak kare.

Pahle Body Ko Detox karna Hai Jaruri

Motapa kam karne ke Nuskhe koi bhi shuru kare us se pehle aap detox kare. Charbi jama hone ka vajah hai ki aap ke sharir mein toxins jyaada hai aur sharir aahar ko theek tarah se process nahin kar sakta hai. Pet Charbi kam karne ke upay in hindi try karne se pehle is tarah detox kare:

  • 2-4 dino tak kuch bhi solid food na khaaye.
  • Pehle din bilkul kuch bhi na khaaye sirf nimbu ko garam paani mein thodasa adrak ka juice daal ke peete rahe. Ho sake itni baar paani piye aur voh bhi garam, thanda nahin.
  • Doosre din bhar aap sirf boiled vegetables ka soup piye ya phir fruit juice hi piye.
  • Ho sake to is prayog ko char din tak jaari rakhe Is ke baad solid food mein sirf fruits khaye aur
  • is ke baad moong aur aise supachya aahar khaaye. Agar ek poora week tak aap ne yeh program kiya to sharir halka lagega, energy level badhegi aur body ka metabolism sudhar jayega.

Ab aap pet kam karne ke gharelu totkay aajmaaye

Pet kam karne ke gharelu totkay:

Metabolism badhaye

  • Body ka metabolism badhana hoga. Is ke liye savere uth ke aap ek nimbu ka ras nikale. Ek glass paani garam kare jis mein aap kali mirch, adrak aur pudina aur spoon lal mirch powder daale. Is paani ko chaan le, nimbu ka ras aur shahad mila le aur morning tea ke badle piye. Is 1/4 ke peene ke baad aap ek ghante tak fast walking ke liye chale jaaye. Is se body ka metabolism rate badh jaata hai aur poore din metabolism high rehne se aap ke andar urja bhi rehta hai aur charbi bhi pighalta hai.
  • Din mein jabh bhi chai peene ki ichcha ho tab aap green tea aur lemon juice se bani chaai. Aap chahe to pudina aur adrak ka ras bhi shamil kare.
  • Raat ko 8 ghante sone ki aadat dale. Savere uth ke kapalbhati aur yogasan kare aur phir upar bataye gaye pet kam karne ka tarika apnaye.

Motapa kam karne ke upay aur bhi hai.

Aap yeh sab kuch try kar sakte hai:

  • Khaana khaate samay pani na piye aur khaane ke baad sirf ek-do ghoont piye. Aadhe ghante ke baad hi paani piye.
  • Khaana achchi tarah se chaba chaba ke khaaye.
  • Karele ka juice nikale aur savere khaali pet ek cup is ka sevan kare.
  • Dieting yaane ki alp aahar ya fasting se aur nuksan hoga kyonki dieting karne ke baad bhook aur badh jaati hai.
  • Aahar mein refined flour yaane maida se bani cheez na khaaye.
  • Khaane mein khira, karela, lal mirch aur hara mirch, tarbuj, amrud, aur hare patti vaali sabhi ka jyaada upyog kare. Patta gobhi charbi ko pighalne mein sahayak hai.
  • Lehsun, adrak, pudina, dhaniya aur hare mirch se bani chutney ka jyaada upyog kare apne bhojan mein.
  • Santulit aahar le jis mein sabji aur fal jyaada ho aur anaj kam. Daal ya fish ya chicken ka sevan kare proteins ke liye. Nuts bhi thode bahut shamil kare. Aahar mein doodh ka hona jaroori hai. Jinhe doodh se allergy hai voh dahi khaaye ya phir paneer ka upyog kare.
  • Dalchini aur shahad chaatne se charbi pighalne ki kriya tej ho jaati hai.
  • Fruits aur vegetables se aap ko minerals aur vitamins milenge isiliye inhe jyaada matra mein khaaye. Saath mein alsi ke beej, akhrot ya fish khaaye jis mein se aap ko omega 3 mile.
  • Din bhar active rahe.
  • Raat ke bhojan ke baad ek-do kilometer jaroor walk pe jaaye.

Aap apne liye calories chart banaye aur dekhe ki kitne calories khaate hai aur aap ke activity dwara aap kitne calories burn karte hai. Yeh sahayak hoga pet kam karne mein. Din bhar active rahe. Lunch time par relax hone ke badle walking kare ya workout kare. Jinhe baith ke kaam karna padta hai voh har ghante khade hoke thodasa exercise kare to theek hoga.

Pet kam karne ke tarike kai hai aur aap chahe to sabhi ya aap ko jo suit hota hai voh apnaye aur is mein drudh nischar karke lage rahe kyonki parinaam dikhne mein samay lagta hai. Fast fast pet kam karna hai to aap ko strict diet aur jyaada exercise har roj karna hoga.

Tags : #pet kam karne ke gharelu totkay #pet ki charbi ghatane ke upay #मोटापा कम करने के घरेलू उपाय #pet kam karne ke yogasan #pet kam karne ki exercise#motapa kam karne ke tips in hindi #pet kam karne ka yoga #pet kam karne ke gharelu upay #pet kam karne ka tarika #motapa kam karne ke tarike #motapa kam karne ke tips #motapa kam karne ke upaye #motapa kam karne ka tarika in hindi #motapa kam karne ka gharelu tarika #motapa kam karne ke liye yoga #motapa badhane ka tarika in hindi #motapa kam karne ka upay #motapa kam karne ke gharelu upay #motapa kam karne ke totke #motapa kam karne ka yoga #मोटापा घटाने के उपाय #पेट कम करने के उपाय #मोटापा घटाने के घरेलू उपाय #मोटापा कैसे कम करें #पेट की चर्बी कैसे कम करें #पेट कम करने के तरीके #पेट की चर्बी कम करने के उपाय #पेट का मोटापा कम करने के उपाय

Leave a Comment

Your Name

Comment

0 Comments